Pagina Inicial»Noticia
Parlamentu Nasionál liu husi sesaun plenária iha loron 21 fulan juñu tinan 2021, Deputadu sira halo diskusaun no aprovasaun iha generalidade ba Proposta de Lei n.º 30/V(3ª) – Terceira Alteração à Lei n.º 5/2006, de 28 de dezembro, sobre Órgãos da Administração Eleitoral, da Proposta de Lei n.º 31/V(3ª) – Primeira Alteração à Lei n.º 6/2016, de 25 de maio, Lei do Recenseamento Eleitoral e da proposta de Lei n.º 33/V(3ª) – Sexta Alteração à Lei n,º 7/2006, de 28 de dezembro, Lei Eleitoral para o Presidente da República.
Proposta de Lei n.º 30/V(3ª), n.º 31/V(3ª) no n.º 33/V(3ª) aprova ketak-ketak maibé ho resultado ne’ebe mak hanesan ho votu 36 a favor, 0 kontra no 15 abstensaun;
Hafoin aprovasaun iha jeneralidade, plenária autoriza hodi devolve proposta de lei sira ne’e ba Komisaun A hodi halo diskusaun iha espesialidade, ho 46 votu a favor, 0 kontra no 4 abstensaun.
Iha diskusaun ne’e marka prezensa Ministru Administrasaun Estatal, Miguel Pereira de Carvalho ho komitiva hanesan proponente ba proposta lei refere.
Além de ne’e, Meza halo anunsiu ba admisaun no baixa Projeto de Lei nº 29/V(3ª) – Lei de proteção a Crianças e Jovens em perigo ba Komisaun A ne’ebé trata Assuntu Konstitusionais no Justisa no mos ba Komisaun F neébé trata asuntu Saúde, Seguransa Sosial no Igualdade Jéneru.
Iha sesaun plenária ne’e mós Deputadu sira halo votu saudasaun ba Dr. António Guterres ne’ebé reeleitu hanesan Sekretáriu-Jeral ba Organizasaun Nasaun Unidas, ho 49 votu a favor,0 kontra no 0 abstensaun.
Bankada Parlamentar CNRT representa hussi Deputado Domingos Carvalho de Araújo halo deklarasaun politika relaciona Aluga Ró Tranship II.
Entretantu iha intervensaun diversa nian, Deputadu sira aprezenta preokupasaun sira kona-ba teste kandidatu ba Koreia do Sul ne’ebé tuir teste PCR positivo no labele kontinua sira nia viagem, hussu SEFOPE atu assegura sira nia naran iha lista ba período sira tuir mai; komunidade sira laiha asesu ba bee-moos; eletricidade Ataúro lakan horas 5 deit tambá osan laiha; vacina ba professor sira hodi bele reativa processo aprendizagem; fatin historiku barak iha Timor laran seidauk hetan atensaun hussi ministério relevante; processo rekrutamentu ba F-FDTL no PNTL precisa tau atensaun maka’as; estudante timoroan husi universidade Malasia fila ona mai timor tanba sira hotu ona sira nia estudu maibe sira balun seidauk simu sertifikadu, hussu Ministério Ensinu Superior atu hasai deklarsaun katak sira konklui ona sira nia estudu. Estatua Presidente Francisco Xavier do Amaral iha rotunda CCD ema deskonhesido riska ho kores oi-oin; estrada husi Cristo Rei ba Hera seidauk tau alkatraun, pior liu iha populasaun balun komesa konstrui uma iha estrada ninian; paciente sira iha estrangeiru seidauk simu sira nia subsidiu hahú hussi marsu tinan ne’e; inklui preokupasaun importante sira seluk.
Ministru ba Asuntu Parlamentares no Komunikasaun, Francisco Jerónimo, hatete, vacina horas ne’e lao dadaun hela iha território tomak; relaciona ho deklarasaun politika Bankada CNRT nian, sei rezolve tuir dalan politika nomos tuir lei; relasiona problema eletrisidade iha Ataúro, uluk Governu mak responsabiliza direita maibé agora EDTL sai ona impresa publika no sira mak jere rasik; informasaun seluk sei hato’o ba ministério relevante hodi rezolve.
Sesaun plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira, ho prezensa Ministru ba Assuntu Parlamentares no Komunikasaun, Francisco Jerónimo, Ministru Administração Estatal, Miguel Pereira de Carvalho ho nia komitiva .
