Pagina Inicial»Noticia
Komisaun Espesializada Permanente sira Parlamentu Nasionál, iha loron 5 fulan maiu tinan 2021, realiza reuniaun sira hanesan; Komisaun A, nebe’e trata asuntu Konstitusionais no Justisa, hala’o audiénsia ho entidade relevante sira ba Projeto de Lei nº 21/V/(3ª) – Estatuto dos Magistrados Judiciais, mak hanesan, iha parte dader ho Prokuradória-Jeral Repúblika, Presidente Assosiasaun Majistradus Judisiais, Ex-Presidente Komisaun Reforma Lejislativa no Programa Monitorizasaun Sistema Judisiál (JSMP), No iha parte lorokraik, kontinua audiénsia ho Ministru Justisa, Defensoria Públika, Presidente Tribunal Rekursu no eis- ministra Justisa;
Komisaun C, ne’ebé trata assuntu Finansas Públika hamutuk ho Komisaun D, ne’ebé trata asuntu Ekonomia no Dezenvolvimentu, kontinua halo diskusaun espesialidade ba Projeto de Lei nº 4/V/(1ª) – Código de Mineiro ho Ministru Petróleu no Minerais nomos Autoridade Nasionál Petróliu no Minerais
Purtantu, Komisaun G, ne’ebé trata asuntu Edukasaun, Juventude, Kultura no Sidadania, hala’o diskusaun kona-ba preparasaun visita fiskalizasaun ba Munisipiu Bobonaro, Aileu, Manatuto no RAEOA, além de ne’e, halo mos diskusaun kona-ba vistu ba estudante timoroan sira iha Indonésia.
