Pagina Inicial»Noticia
Komisaun Espesializada Permanente sira Parlamentu Nasionál nian, realiza audiensia ho Membru Governu sira, kona-ba Proposta de Lei relativa à Primeira alteração à Lei nº 14/2020, de 29 de dezembro, do Orçamento Geral do Estado para 2021.
Iha loron 12 fulan abril tinan 2021, Kamisaun C ne’ebé trata asuntu Finansa Públika, iha parte dadeer, halo audiensia ho Vise-Ministra Finansa nian nomos Banku Sentrál Timor-Leste (BCTL-sigla português), iha parte lokraik, kontinua halo audiensia ho Ministru Finansa nian, nomos Ministériu Solidariedade Sosial no Inkluzaun.
Audiensia ne’e rasik realiza iha Sala Plenária no prezide husi Prezidente Komisaun C, Deputada Maria Angelica Rangel dos Reis, akompaña husi Deputadu sira komisaun C nian.
Komisaun D ne’ebé trata asuntu Ekonomia no Dezenvolvimentu halo audiensia ho Ministériu Agrikultura no Peska, Sekretáriu Estadu Ambiente nian.
Audiensia ne’e realiza iha Sala Konferensia no prezide husi Prezidente Komisaun D, Deputadu Antoninho Bianco, akompaña husi Deputadu sira komisaun D nian.
Komisaun F ne’ebé trata asuntu Saúde, Seguransa Sosial no Igualdade Jéneru, iha parte dadeer, halo audiensia ho Sekretária Estadu Igualdade no Inkluzaun, no iha parte lokraik, Komisaun kontinua halo audiensia ho Ministériu ba Asuntu Kombatente ba Libertasaun Nasionál.
Audiensia ne’e rasik prezide husi Prezidente Komisaun F, Deputadu Noé da Silva Ximenes “Buka Tuir”, no akompaña husi Deputadu sira komisaun F nian, iha Sala Konferensia.
Entretantu Komisaun G ne’ebé trata asuntu Edukasaun, Juventude, Kultura no Sidadania, iha parte dadeer halo audiensia ho Ministru Ensinu Superior, Siensia no Kultura, no iha parte lokraik, Komisaun kontinua halo audiensia ho Ministru Assuntu Parlamentar no Komunikasaun. Reuniaun ida-ne’e realiza iha Sala Reunião iha Rezidensia Ofisial Prezidente Parlamentu Nasionál, Farol, no prezide husi Prezidente Komisaun G, Deputado António Verdial de Sousa, no akompaña hussi Deputadu sira komisaun G nian.
Nune’e mós, iha loron 13 fulan abril tinan 2021, Komisaun C, kontinua halo audiênsia ho Ministru Koordenadór Assuntu Ekonómiku (MCAE) akompaña mós husi ministériu relavante sira ho responsabilidade ba implementasaun programa Cesta Bazika; Komisaun E, kontinua halo audiensia ho Ministériu Planu no Ordenamentu nomos Komisaun F, iha parte dadeer, kontinua halo audiensia ho Ministériu Saúde no iha parte lokraik, halo audiensia ho Ministériu Solidariedade Sosial no Inkluzaun.
