Pagina Inicial»Noticia
Komisaun D ne’ebé trata assuntu Ekonomia no Dezenvolvimentu, iha loron 9 fulan abril tinan 2021, realiza audiensia ho membru sira Governu hanesan, Ministru Koordenador Assuntu Ekonomiku (MCAE-sigla português), Ministru Turismu, Komersiu no Indústria (MTCI), Sekretáriu Estadu Koorperativa (SECOOP) no Centru Lojistika Nasionál (CLN), kona-ba Proposta de Lei relativa à Primeira alteração à Lei nº 14/2020, de 29 de dezembro, do Orçamento Geral do Estado para 2021.
Audiensia ne’e rasik realiza iha Sala Plenária no preside hussi Prezidente Komisaun D, Deputado Antoninho Bianco, akompaña hussi Deputadu sira komisaun D nian.
Iha parte seluk, Komisaun G ne’ebé trata assuntu Edukasaun, Juventude, Kultura no Sidadania realiza audiensia iha parte dadeer ho entidade sira hanesan: Ministru Edukasaun Juventude no Desportu no Sekretariu Estadu Juventude no Desportu kona-ba Proposta de Lei relativa à Primeira alteração à Lei nº 14/2020, de 29 de dezembro, do Orçamento Geral do Estado para 2021.
Iha parte lokraik, komisaun kontinua audiensia ho entidade sira hanesan; Institutu Politéknika Betanu, Universidade Nasionál Timor Lorosae, Agensia Nasional ba Akreditasaun Akadémika no Agensia Nasional Siensia Teknolojia.
Reuniaun ida-ne’e realiza iha Sala Reunião Rezidensia Ofisial Prezidente Parlamentu Nasionál, Farol, no prejide husi Prezidente Komisaun G, Deputado António Verdial de Sousa, no akompaña husi Deputadu sira komisaun G nian.
