Parlamento Nacional, liu hussi sessão plenária ordinária iha loron 16 fulan março tinan 2021, Mesa halo anúncio da admissão no baixa ba Comissão A ne’ebé trata Assuntos Constitucionais e Justiça Projeto de Lei nº 21/V(3ª)- Aprova o Estatuto dos Magistrados Judiciais no PPL nº 29/V(3ª)- Segunda Alteração à Lei nº 11/2009, de 7 de outubro, que aprova a Divisão Administrativa do território.
Antes tama ba agenda plenária nian, Presidente informa ba plenário katak, sessão plenária horseik la bele realiza tanba tempo cerca sanitária, mesmo hanesan ne’e, horseik iha reunião líder bancada parlamentar sira hodi fó hanoin katak plenária tenki funciona nafatin desde que cumpri regras. Iha situação cerca sanitária ne’e, acompanha progresso caso covid-19 karik situação caso aumenta makaas pelo menos sessão plenária realiza samana ida dala ida. Além de ne’e, informa mós katak, aban sei iha reunião ho Mesa Comissão Especializada permanente sira, iha Sala plenária.
Além de ne’e, Presidente informa mós kona-ba, resultado hussi teste swap covid-19 ne’ebé realiza ona, hato’o ona ba líder bancada sira no unidade serviço nian tanba ne’e liga ho privacidade ema ida-idak nian.
Iha sessão plenária ne’e, Bancada Parlamentar KHUNTO representa hussi Deputado António Verdial hato’o declaração política relaciona ho pedido repatriação estudante medicina timoroan iha Nação Cuba mai Timor.
Entretanto iha intervenção diversa nian, Deputado sira hato’o preocupação relaciona apoio necessidade básico ba população no mos estudante sira ne’ebé hela iha kos iha Díli relaciona ho tempo cerca sanitária, husu ba Governo atu resolve; Necessidade básica nia folin sae iha município sira; nomos informação importante sira seluk.
Hatan ba preocupação sira ne’e, Ministro dos Assuntos Parlamentares e Comunicação, Francisco Jerónimo hatete, relaciona ho repatriação estudante medicina timoroan iha Cuba, sira seidauk bele mai ho avião ne’ebé iha tanba momento ne’eba sira nia visto tama frança nian seidauk iha, ho nune’e Governo hare ona ba oportunidade tuir mai; relaciona ho cerca sanitária, empresário sira ne’ebé atu lori hahan ba municipio sira la bandu importante hetan carta autorização hussi Centro Gestão de Crise, no informação sira seluk Governo anota no sei hato’o ba Ministério Competente hodi resolve.
Sessão plenária ne’e preside Presidente Parlamento Nacional, Aniceto Longuinhos Guterres Lopes, acompanha hussi membro Mesa sira, no hetan presença hussi Ministro dos Assuntos Parlamentares e Comunicação, Francisco Jerónimo.
