Pagina Inicial»Noticia
Comissão D ne’ebé trata assunto Economia no Desenvolvimento, acompanha hussi Comissão C ne’ebé trata assunto Finanças Públicas, continua halo discussão iha especialidade ba Projeto de Lei n.o 4/V(1ª) – Código Mineiro, iha loron 4 too 5 fulan março tinan 2021, iha Suco Tibar Município Liquiçá.
Discussão durante loron rua ne’e continua iha artigo 21 too aprovação ba artigo 68º hussi total artigo 162 ba projeto de lei refere.
Discussão ne’ebe preside hussi Presidente Comissão D, Deputado Antoninho Bianco, acompanha hussi membro comissão sira inclui membro Comissão C, conta ho presença hussi Ministro Petróleo e Minerais, Victor da Conceição Soares, Presidente da Autoridade Nacional do Petróleo e Minerais (ANPM), Florentino Soares Ferreira ho nia equipa.
Durante discussão, mossu proposta alteração barak hussi Deputado sira liga ba artigo sira ne’ebé considera hamossu confusão no ladún claro.
Deputado sira discute kle’an kona-ba processo contratação ba empresa sira ba exploração petróleo, inclui processo desenvolvimento minerais iha futuro no seluk tan.
Presidente Comissão D aprecia ho vontade hussi Deputado sira inclui membro Governo durante discussão hodi acerta opinião lubuk ida liga ba politica no desenvolvimento setor mineiro iha Timor-Leste.
Discussão refere sei continua iha semana oin hodi halo aprovação ba artigo hirak ne’ebe seidauk hetan aprovação.
