Pagina Inicial»Noticia
Deputado sira liu hussi Sessão Plenária ordinária iha loron 16 fulan fevereiro tinan 2021, realiza pergunta ba Governo tuir artigo 143º Regimento Parlamento Nacional nian.
Iha sessão pergunta ho Governo ne’ebe lidera hussi Presidente Parlamento Nacional em exercício, Maria A. Lopes Sarmento, ne’e hetan presença hussi membro Governo na’in neen hanessan; Ministro Coordenador dos Assuntos Económicos, Joaquim Amaral; Ministro da Administração Estatal, Miguel Pereira de Carvalho; Ministra da Saúde, Odete Maria Freitas Belo; Ministro da Educação, Juventude e Desporto, Armindo Maia; Ministro das Obras Públicas, Salvador Soares dos Reis Pires; no Ministro dos Transportes e Comunicações, José Agustinho da Silva.
Durante apresentação perguntas barak liu ko’alia kona-ba prevenção Covid-19, plano vacinação liuliu iha município sira ne’ebé bessik fronteira, implementação programa cesta básica, gestão lixo, bee-moos, inundação iha capital Díli, manutenção ba estrada sira, processo aprendizagem ba escola sira iha área fronteira nian no fatin estacionamento iha capital Díli.
Iha sessão Plenária ne’e mós Mesa Parlamento Nacional baixa ba Comissão A Proposta de Lei n.o 25/V(3ª) – Regime Jurídico das Associações Publicas Profissionais e da Proposta de Lei n.o 26/V(3ª) – Ordem dos Advogados de Timor-Leste.
