Pagina Inicial»Noticia
Parlamento Nacional liu hussi sessão plenária ordinária iha loron terça-feira, 19 fulan janeiro tinan 2021, Deputado sira halo discussão e votação do Projeto de Resolução do Parlamento Nacional nº 62/V/3ª sobre a apreciação da aplicação do estado de Emergência declarado pelo Decreto do Presidente da república nº 29/2020, de 27 de março, ho votos 37 a favor, 0 contra no 10 abstenções.
Iha sessão plenária ne’e, Bancada Parlamentar Partido Democrático (PD), liu hussi Presidente Bancada, Deputado António da Conceição, hato’o declaração politica kona-ba educação no programa cesta básica.
Iha intervenção diversas, Deputado sira preocupa makas kona-ba moras covid-19 ne’ebé maka aumenta maka’as no ataca população sira iha Atambua-Indonésia ne’ebé halo fronteira terrestre ho nação Timor-Leste to lakon sira nia vida, ho nune’e hussu atu ministério competente sira hametin segurança iha fronteira sira ho apoio, colaboração no envolvimento direita hussi população sira fronteira nian.
Além de ne’e, Deputado sira continua questiona problemas seluk ne’ebé mak população sira enfrenta direita iha sira nia moris loroloron, atu nune’e, Governo liu hussi ministério competente buka solução no resolve.
Hatán ba preocupação sira ne’e, Ministro dos Assuntos Parlamentares e Comunicação, Francisco Jerónimo, hatete, declaração Bancada Partido Democrático (PD) ne’e pertinente, no sei encaminha ba ministério competente hodi resolve; nune’e mos relaciona ho programa cesta básica Governo halo avaliação loroloron ba companhia sira fornecedor tuir contrato ne’ebé mak iha; no informação seluk sei encaminha ba ministério tutela hodi resolve.
Sessão plenária ne’e preside hussi Presidente Parlamento Nacional, Aniceto Longuinhos Guterres Lopes, acompanha hussi membro Mesa sira, no marca presença Ministro dos Assuntos Parlamentares e Comunicação, Francisco Jerónimo.
