Pagina Inicial»Noticia
Parlamento Nacional liu hussi sessão plenária ordinária iha loron 11 fulan janeiro tinan 2021, iha Período da Ordem do Dia, hussi discussão naruk, Deputado sira decide hodi adia realização eleição ba membro Conselho de Imprensa, ho razão, candidato balun la preenche requisitos tanba assume hela knaar nu’udar funcionário público, além de ne’e, candidato balun ne’ebé ho background jurista retira hussi bancada proponente. Ho nune’e, Mesa decide prazo loron hitu hodi apresenta hikas candidatura seluk.
Além de ne’e, Parlamento Nacional aprova pedido de autorização ba Deputado António da Conceição, hodi presta declarações hanessan testemunha, liu hussi votação escrutino secreto ho votos a favor 55 contra 1 no abstenções 6.
Nune’e mos, aprovou pedido autorização ba Deputada Maria Angelina Sarmento ho votos a favor 56 contra 1 no abstenções 4 no votos nulo 1 no Deputado Luís Roberto da Silva, ho votos a favor 56 contra 1 abstenções 4 no voto nulo 1, hodi presta declaração hanessan testemunhas.
Iha Período de Antes da Ordem do Dia, iha substituição temporária hussi Deputado Sabino Soares “Guntur” hussi Bancada PLP ba Sra. Domingas dos Santos.
Iha intervenção diversas, Deputado sira continua questiona problema necessidade básica população sira nian iha áreas rurais mak hanessan, be-moos, estrada, eletricidade, pontes, irrigações no mos problema saúde.
Além de ne’e, Deputado sira questiona mos problema seluk mak hanessan, direito professores contratado no reclamantes sira nian, salário decimo terceiro funcionário iha instituição balun la simu, pagamento subsidio ba idosos balun la los, pessoal saúde balun ne’ebé fó atendimento ba moras-19 seidauk hetan sira nia direito no mos informação importante sira seluk, ne’ebé mak precisa hetan atenção no resolve urgente hussi membro governante relevante sira.
Resposta ba preocupação sira ne’e, Ministro dos Assuntos Parlamentares e Comunicação, Francisco Jerónimo hatete, relaciona ho salário decimo terceiro, ministro ne’e hatete, ministério ne’ebé mak la prevê nia orçamento iha tinan 2020 então sei halo pagamento iha 2021; Professores sira simu hotu ona sira nia direito; informação seluk, regista no encaminha ba ministério competente hodi fó resposta.
Sessão Plenária ne’e presidi hussi Presidente Parlamento Nacional, Aniceto Longuinhos Guterres Lopes, acompanha hussi Membro Mesa sira, no conta ho presença Ministro Assunto Parlamentares e Comunicação Social, Francisco Jerónimo.
