Pagina Inicial»Noticia
Ministra dos Negócios Estrangeiros e Cooperação, Adaljiza Albertina Xavier Reis Magno, apresenta ba Parlamento Nacional kona-ba processo tomak adesão Timor-Leste ba Association of Southeast Asian Nations (ASEAN), iha loron 21 fulan dezembro tinan 2020, liu hussi sessão plenária ordinária.
Iha apresentação ne’e, Ministra MNEC explica kona-ba lala’ok hotu liuliu preparação no negociação ba adesão ASEAN inclui dificuldade hirak ne’ebé Timor-Leste enfrenta durante ne’e.
Entretanto Deputado sira preocupa no hussu ba MNEC atu partilha ho kle’an kona-ba desafio hirak ne’ebé Timor-Leste enfrenta nune’e bele buka solução.
Iha sessão plenária ne’e mós Mesa baixa ba comissão sira PPL no 10/V(2ª) – Autorização legislativa ao Governo para alterar o Código de Processo Civil; PPL no 11/V(2ª) – Aprova o Regime Jurídico da Arbitragem Voluntaria e procede à 1ª Alteração ao Código de Processo Civil; no PPL no 15/V(2ª) – Autorização legislativa sobre as Bases Gerais da Organização da Administrativa Pública.
Entretanto iha período de antes da ordem do dia nian, Deputado sira apresenta preocupação sira kona-ba segurança rai laran liga ba loron natal no tinan foun, inclui preocupação sira seluk kona-ba necessidade básica sira ne’ebé povo preocupa.
Sessão Plenária ne’e preside hussi Presidente Parlamento Nacional, Aniceto Longuinhos Guterres Lopes, acompanha hussi membro da Mesa sira, no hetan presença hussi Ministra MNEC ho nia equipa.
