Pagina Inicial»Noticia
Parlamento Nacional liu hussi Sessão Plenária Extraordinária, iha loron 02 fulan dezembro tinan 2020, continua halo discussão no aprovação iha generalidade ba Proposta de Lei nº 23/V (3ª) - Orçamento Geral Estado tinan 2021 nian, discussão ida-ne’e conta ho presença hussi Primeiro-Ministro da República Democrática de Timor-Leste, Taur Matan Ruak, acompanha ho membro Governo sira.
Sessão Plenária ne’e, hahú ho resposta hussi Governo ba questão sira ne’ebe levanta hussi Deputado sira iha sessão plenária anterior. Relaciona ho questões sira ne’ebé apresenta ne’e, Chefe Governo hatete, Primeiro-Ministro em nome Governo hato’o agradecimento ba Deputado sira ba questões nomos elogios ne’ebé dirige ba Governo, “sucesso Governo nian, laos Governo nian messak, ne’e sucesso Parlamento no mos Provo tomak Timor-Lorosae nian”.
Além de ne’e, Chefe Governo mós acrescenta liu tan katak, Governo hala’o nia knaar sira baseia ba documento tolu ne’ebé mak orienta ou sai referência, mak hanessan, primeiro; Plano Estratégico Desenvolvimento Nacional, ne’ebe organiza no classifica prioridades ba setor social, setor infraestruturas, desenvolvimento económico no desenvolvimento institucional; segundo, Objetivos de Desenvolvimento Sustentável (ODS) sai hanessan referência, iha objetivo lima ne’ebe mak sai prioridade mak hanessan, erradicação da pobreza, segurança alimentar e agricultura, saúde, educação, no igualdade de gênero, no terceiro, Programa Oitavo Governo Constitucional, ne’ebé hare kona-ba capital social, infraestrutura, desenvolvimento económico no desenvolvimento institucional.
Liu hussi discussão ne’ebé naruk, no fim, Deputado sira aprova iha generalidade ba Proposta de Lei nº 23/V (3ª) - Orçamento Geral Estado tinan 2021, ho 44votos a favor, 0 contra no 0 abstenções, enquanto Deputado sira hussi Bancada CNRT la participa iha votação refere.
Sessão plenária ne’e sei contínua iha loron, 04 fulan dezembro tinan 2020, hahú ho discussão iha especialidade ba Proposta Lei Orçamento Geral Estado 2021 nian.
Sessão plenária ne’e, preside hussi Presidente Parlamento Nacional, Aniceto Longuinhos Guterres Lopes, acompanha hussi membro da Mesa sira, hetan presença hussi Primeiro- Ministro da República Democrática de Timor-Leste, Taur Matan Ruak hamutuk ho membro Governo sira.
