Pagina Inicial»Noticia
Comissão Especializada Permanente sira iha Parlamento Nacional, iha loron 16 fulan novembro tinan 2020, continua halo audiência pública ba Proposta Orçamento Geral de Estado (OGE) ba tinan 2021 nian.
Iha audiência pública ba loron daneen ne’e, Comissão A ne’ebé trata assunto Constitucionais e Justiça, halo de’it discussão comissão nian ba recomendação hirak ne’ebé comissão simu durante audiência publica; Comissão B ne’ebé trata assunto Negócios Estrangeiros, Defesa e Segurança Nacional, halo audiência ho Gabinete do Fronteira Marítima no Instituto Defesa Nacional; Comissão C ne’ebé trata assuntos Finanças Públicas, hamutuk ho Comissão D ne’ebé trata assunto de Economia e Desenvolvimento, halo audiência ho Banco Central de Timor-Leste, Banco Nacional de Comercio de Timor-Leste, Conselho Consultivo do Fundo Petrolífero no iha parte loraik hamutuk ho Comissão B halo audiência ho Instituto de Defesa Nacional; Comissão E ne’ebé trata assunto de Infraestrutura, halo audiência Instituto de Gestão Equipamentos, Autoridade Nacional de Eletricidade de Timor-Leste, Autoridade Nacional de Agua e Saneamento, Companha SACOM, ETO no Timor GAP; Comissão F ne’ebé trata assunto Saúde, Segurança Social e Igualdade de Género, halo audiência ho Secretária de Estado para a Igualdade e Inclusão no Comissão G ne’ebé trata assunto Educação, Juventude, Cultura e Cidadania, halo audiência ho Ministério dos Assuntos Parlamentares e Comunicação Social no Fundo Desenvolvimento Capital Humano.
Durante audiência, ministério sira ho nia órgão tutelada sira apresenta relatório execução OGE 2020 inclui plano no programa OGE 2021 nian.
Entretanto Deputado sira hussu clarificação ba execução orçamento anterior inclui orçamento ba tinan oin, inclui implementação programa sira ne’ebé considera prioridade liu.
Audiência pública ne’e sei continua iha loron 17 fulan novembro tinan 2020 hodi audiência ho ministério relevante sira seluk.
