Pagina Inicial»Noticia
Comissão Especializada Permanente sira iha Parlamento Nacional, iha loron 13 fulan novembro tinan 2020, continua halo audiência pública ba Proposta Orçamento Geral de Estado (OGE) ba tinan 2021 nian.
Iha audiência pública ba loron dalimak ne’e, Comissão A ne’ebé trata assunto Constitucionais e Justiça, halo audiência ho Comissão Anticorrupção, Provedoria dos Direitos Humanos e Justiça, Comissão Nacional de Eleições no Comissão da Função Publica; Comissão C ne’ebé trata assuntos Finanças Públicas, hamutuk ho Comissão E ne’ebé trata assunto Infraestrutura, halo audiência ho Conselho de Administração do Fundo das Infraestruturas (CAFI), Fundo de Desenvolvimento do Capital Humano (FDCH) no Fundo COVID-19; Comissão D ne’ebé trata assunto de Economia e Desenvolvimento, halo audiência ho Secretario de Estado do Formação Profissional e Emprego no Secretario de Estado de Cooperativas; Comissão F ne’ebé trata Saúde, Segurança Social e Igualdade de Género, halo audiência ho Ministro para os Assuntos dos Combatentes da Libertação Nacional acompanha hussi Secretário de Estado para os Assuntos dos Combatentes da Libertação Nacional no Comissão G ne’ebé trata assunto Educação, Juventude, Cultura e Cidadania, halo audiência ho Instituto Politécnica de Betano (IPB, Universidade Nacional de Timor Lorosa’e (UNTL), Agência Nacional de Acreditação Académica (ANAA) no Instituto Nacional de Ciências Tecnologias (INCT).
Durante audiência, ministério sira ho nia órgão tutelada sira apresenta relatório execução OGE 2020 inclui plano no programa OGE 2021 nian.
Entretanto Deputado sira hussu clarificação ba execução orçamento anterior inclui orçamento ba tinan oin, inclui implementação programa sira ne’ebé considera prioridade liu.
Audiência pública ne’e sei continua iha loron 16 fulan novembro tinan 2020 hodi audiência ho ministério relevante sira seluk.
