Pagina Inicial»Noticia
Deputado sira Parlamento Nacional liu hussi Sessão Plenária Extraordinária, iha loron 02 fulan outubro tinan 2020, continua halo discussão no aprovação iha generalidade ba Proposta de Lei nº 22/V (3ª) - Orçamento Geral Estado tinan 2020 nian.
Sessão Plenária ne’e, hahú ho resposta hussi Chefe Governo República Democrática de Timor-Leste, Taur Matan Ruak, ba preocupação sira iha conclusões no recomendações iha relatório no pareceres Comissão C ne’ebé trata Assunto Finanças Pública kona-ba Proposta de Lei nº 22/V (3ª) - Orçamento Geral Estado de 2020, no mos intervenções hussi Deputado sira, ne’ebé hato’o ona iha loron 01 fulan outubro tinan 2020, loron dahuluk debate OGE 2020 nian.
Hatán ba conclusões no recomendações iha relatório no pareceres Comissão C nian, Chefe Governo ne’e hatete, Governo registo preocupação hotu-hotu iha conclusões no recomendações, no disponível para continua nafatin serviço ho Comissão C, liuliu hadi’a iha parte especialidade nomos conteúdo no estrutura documento proposta de lei ne’e rassik. Relativamente ho preocupações Deputado sira nian, Primeiro-Ministro hatete desenvolvimento precisa ema hotu nia apoio no contribuição, tempo ona atu hamutuk hodi ajuda Governo hodi resolve problema nação nian.
Liu hussi discussão ne’ebé mak naruk, Deputado sira aprova iha generalidade ba Proposta de Lei nº 22/V (3ª) - Orçamento Geral Estado tinan 2020 nian ho 44 a favor 0 Contra no 21 abstenções
Discussão no aprovação iha especialidade sei continua iha loron 05 fulan outubro tinan 2020.
Sessão plenária ne’e, preside hussi Presidente Parlamento Nacional, Aniceto Longuinhos Guterres Lopes, acompanha hussi Membro da Mesa sira, conta mos ho presença Primeiro- Ministro da República Democrática de Timor-Leste, Taur Matan Ruak hamutuk ho membro Governo sira.
