Pagina Inicial»Noticia
Vice-Presidente Parlamento Nacional, Maria Angelina Lopes Sarmento, halo abertura ba primeiro seminário kona-ba “Política Orçamental e Finanças Públicas”, ne’ebe organiza hussi Comissão C ne’ebé trata assuntos Finanças Públicas hamutuk ho Projeto Parceria para a melhoria da prestação de serviços através do reforço da Gestão e da Supervisão das Finanças Públicas em Timor-Leste (PFMO)-C2 Osan Povo nian, Jere ho Diak, União Europeia no Instituto de Camões, iha loron 15 to 17 fulan julho tinan 2020, iha Pousada Baucau.
Iha abertura, Vice-Presidente Parlamento Nacional agradece ba iniciativa no apoio hussi parceria sira hodi realiza seminário ida ne’e, apoio sira hanessan ne’e laos ikus maibé tem que iha nia continuidade iha futuro hanessan fahe informação kona-ba área finanças ninian.
Iha ocasião ne’e, Embaixador União Europeia iha nia discurso hatete, União Europeia hamutuk ho parceiro sira seluk ho papel ne’ebé importante hodi fo apoio ba seminário ida ne’e, ne’ebé organiza hussi Comissão C kona-ba Política Orçamento no Finanças Públicas, ne’ebé sei ajuda missão parlamentar iha controlo financeira no Orçamental.
Iha seminário ne’e, mateira sira ne’ebé apresenta iha loron dahuluk mak hanessan; política orçamental, desenvolvimento económico e financiamento das despesas públicas, apresenta hussi Vice-ministra das Finanças, Sara Lobo Brites; Ciclo Orçamental suas etapas e interdependência no mos gestão de Tesouraria a importância dos mapas de fluxos caixa de tesouro, apresenta hussi Dra. Margarida Rodriguês, no Sinopse apresenta hussi Dr. Rui Dinis, Coordenador do Projeto PFMO.
Matéria ba loron daruak mak hanessan; limites despesas públicas a importância da lei do orçamento Geral do Estado Regime duodécimo e lei travão; Política Orçamento e Gestão Finanças Publicas; no Planeamento Estratégico Gestão das Finanças Públicas do medio e curto prazo, e o modelo orçamento por programas; matéria sira ne’e apresenta hussi Dra. Margarida Rodriguês, no Regime das dívidas públicas, Regime Jurídico do Aprovisionamento e Regime dos Contratos Publicas, apresenta hussi Dr. Rui Dinis;
Seminário ne’e organiza hussi Comissão C ne’ebé trata assuntos Finanças Públicas ho serviço hamutuk ho PFMO, União Europeia no Instituto de Camões.
Seminário ne’e preside hussi Presidente Comissão C, Maria Angelica da Costa Rangel, ho presença hussi Deputados sira Comissão C, Ministra das Finanças no Técnico sira Comissão nian no seluk tan.
