Pagina Inicial»Noticia
Parlamento Nacional, iha loron 13 fulan julho tinan 2020, Deputado sira halo discussão no aprovação ba Projeto Deliberação ba Prorrogação período funcionamento Parlamento Nacional to’o loron 30 fulan julho tinan 2020 ho votos, 51 a favor, 0 contra no 2 abstenção.
Regimento Parlamento Nacional regula período normal funcionamento Parlamento Nacional nian hahú hussi loron 15 de setembro no remata 15 de julho cada legislativa, maibé Plenário decide hodi halo prorrogação ho razão, Plenário precisa aprova iniciativa legislativa sira ne’ebé importante mak hanessan, Lei Proteção Civil; Lei Migração e Asilo no Lei Anticorrupção; nune mós Plenária tem que halo aprovação ba orçamento privativa Parlamento Nacional tinan 2020 nian nomos atividade Comissão Especializada Permanente sira nian, ho nune’e plenário delibera adiamento recesso parlamentar.
Além de ne’e, plenário mós halo aprovação ba Projeto de Deliberação nº 2/2020-aprova a primeira alteração à deliberação do Parlamento Nacional nº 3/2018, de 27 de junho, sobre a constituição da Comissão Permanente ho votos 55 a favor, 0 contra no 0 abstenção.
Comissão Permanente ne’e composta hussi Presidente Parlamento ne’ebe presidi, Vice-Presidentes; no Deputado sira ne’ebe indica hussi Bancada sira tuir representativa iha Parlamento Nacional.
Mesa Plenário mós, halo anúncio admissão no baixa ba Comissão A ne’ebé trata assuntos Constitucionais e Justiça no Comissão B ne’ebé trata assuntos Negócio Estrangeiros, Defesa e Segurança, Proposta de Lei nº 19/V(2ª), sobre a primeira alteração à Lei nº 11/2017, de 24 de maio (Lei de Migração e Asilo).
Iha intervenção diversas nian, Deputado sira questiona problemas mak hanessan; Companhia ida ne’ebé halo reabilitação estrada ida Ermera la rega rai rahun; folin baunilha no café tun iha tempo Estado de Emergência; população sira iha áreas rurais la hetan acesso estrada, bee moos no eletricidade no mos continua hato’o preocupação relaciona ho problema Lorosae segurança nian.
Problema seluk mak hanessan, acesso hussi portão de entrada fronteira terrestre nian, comunidade barak inclui ema estrangeiro barak mak halo viagem hussi Indonésia mai Timor-Leste; nune’e mos, questão patrulhamento iha área tassi nian liuliu iha fronteira sira hodi assegura entrada no saida ilegal sira, tanba ne’e, precisa Governo sossa roo lancha nomos halo manutenção ba roo boot patrulhamento Policia Marítima nian ne’ebé iha.
Iha parte seluk, Deputado sira continua hato’o preocupação relaciona ho subsídio ba Pessoal de saúde nomos estudantes non bolseiras iha rai li’ur ne’ebé to’o agora balun seidauk simu. No mos informação importante sira seluk.
Hatán ba preocupação sira ne’e, Ministro dos Assuntos parlamentares e Comunicação, Francisco Jerónimo hatete, relaciona ho problema Lorosae segurança hato’o ona iha reunião Conselho Ministro, no problema ne’e iha ona Tribunal hein de’it decisão; kona-ba covid, mesmo Timor-Leste la iha ona Estado de Emergência no covid, maibé ninia ameaça sei makas tanba nação vizinho sira sei contamina makas hela, tanba ne’e, cidadão ne’ebé mak tama hussi Indonésia mai Timor-Leste tem que cumpri protocolo prevenção nian, tem que hela iha quarentena durante loron 14. Ministro ne’e fó exemplo ba cidadão sira ne’e mak tama semana kotuk oras ne’e daudaun cumpri hela quarentena iha Taci-tolu. Informação seluk sei hato’o ba ministério relevante hodi toma atenção no resolve.
Sessão Plenária ne’e preside hussi Presidente Parlamento Nacional, Aniceto Longuinhos Guterres Lopes, acompanha hussi membro Mesa sira, no hetan presença hussi Ministro dos Assuntos Parlamentares e Comunicação, Francisco Gerónimo.
