Parlamento Nacional, liu hussi reunião plenária ordinária, iha loron 07 fulan julho tinan 2020, iha período Ordem do Dia, Mesa baixa ba Comissão A ne’ebé trata Assuntos Constitucionais e Justiça, Proposta de Lei nº. 14/ (2ª)- Regime Jurídico de Segurança Social dos Titulares dos Órgão de Soberania.
Iha período de Antes da Ordem do Dia, plenário halo apreciação ba relatório de fiscalização Comissão infraestrutura (Comissão E) ba Município Viqueque iha loron 11-14 fulan março tinan 2020 no Município Baucau iha loron 29-31 fulan abril tinan 2020.
Iha intervenção diversas, Deputado sira questiona pagamento ba pessoal linha frente, pessoal de limpeza, companhia ne’ebé mak prepara hahan no hotéis ne’ebé mak Governo utiliza durante covid-19 to’o agora seidauk halo pagamento.
Alem de ne’e, Deputado sira mos hussu Governo, atu submete relatório de execução ossamento covid-19 nian mak Parlamento Nacional.
Iha parte seluk sira mos questiona informação iha media social kona-ba membro Policia balun ne’ebé mak inclina’an iha Partido, husu atu Ministério competente halo investigação, no mos informação importante sira seluk.
Hatan ba preocupação sira ne’e, Ministro dos Assuntos Parlamentares e Comunicação, Francisco Jerónimo hatete, kona-ba subsídio ba pessoal linha frente, iha pessoal saúde balun simu ona no balun mak seidauk; relaciona ho recomendações hussi Comissão E iha sira nia relatório visita fiscalização no mos informação sira seluk, sei ba hato’o ba ministério competente sira hodi fo resposta no buka solusaun.
Sessão Plenária ne’e preside hussi Presidente Parlamento Nacional, Aniceto Longuinho Guterres, acompanha hussi membro Mesa sira, no hetan presença hussi Ministro dos Assuntos Parlamentares e Comunicação, Francisco Gerónimo.
