Comissão da Função Pública (CFP), liu hussi Plenária Ordinária iha loron 9 fulan junho tinan 2020, apresenta nia relatório tinan 2019 nian ba Parlamento Nacional.
Apresentação relatório ne’e lidera hussi Presidente da Comissão Função Publica, Comissario Faustino Cardoso Gomes, ho nia equipa.
Presidente CFP iha apresentação em geral, hatete, iha relatório ne’e fahe ba parte haat liga ba necessidade no prioridade função pública inclui analisa global ida liga ba função pública. Hussi relatório ne’e rassik prevê conclusão no recomendação sira ne’ebé sai barómetro hodi implementa iha futuro.
Deputado sira sugere ba CFP atu controla máximo ba funcionamento maquina estado nian inclui regime no lei hirak ne’ebé guia administração publica.
Entretanto iha Período de Antes Ordem do Dia nian, Deputado sira continua apresenta preocupação hirak ne’ebé comunidade sira enfrenta hanessan bee-moos, eletricidade, estrada no seluk tan ne’ebé considera hanessan necessidade primário ba comunidade sira.
Kona-ba preocupação hirak ne’e, Secretário de Estado para a Comunicação Social, Mericio Juvenal Akara, hatete Governo continua esforço hodi soluciona preocupação hirak ne’ebé povo enfrenta. No Governo liu hussi ministério relevante identifica ona problema sira no prevê ona iha Orçamento Geral do Estado tinan 2020 nian no 2021 hodi responde.
Sessão Plenária ne’e preside hussi Presidente do Parlamento Nacional, Aniceto Longuinhos Guterres Lopes, acompanha hussi membro da Mesa sira no hetan presença hussi Secretário de Estado para a Comunicação Social, Mericio Juvenal Akara, Presidente da Comissão Função Publica, Comissario Faustino Cardoso Gomes, ho nia equipa.
