Deputado sira, liu hussi Sessão Plenária Extraordinária iha loron 16 fulan abril tinan 2020, realiza debate ho Governo kona-ba prevenção no combate COVID-19 no Execução ba declaração Estado de Emergência.
Depois de Sua Exa. Presidente da República decreta Estado Emergência iha loron 28 de março to’o 26 de abril de 2020, Governo mai fahe hikas informação ba Plenario kona ba saída mka Governo halo ona, dificuldade sira nebe hasoru nos perspetiva ba oin nian.
Iha explicação Sua Exa. Primeiro-Ministro nian hatete, Combate corona vírus hanesan lolos funu ida ne’ebé invisível iha mundo tomak, nasaun hotu-hotu recorre meios hotu-hotu hodi capacitaan combate moras ida ne’e, inclui foti medidas drásticas hanessan limite ema nia direito circulação, liberdade, no reunião no manifestação.
Combate ida ne sai problema liu tan, no difícil liu tan. Quando laos deit atu halo esforso para ema labele mate, mas iha parte seluk impacto social no económico ne’e drástico teb-tebes, trabalhadores barak mak lakon sira nia emprego, família tomak tama miséria tamba rendimento tun, economia estagnado no conetividade mundo paralisado.
Ministro dos Negócios Estrangeiros e Cooperação, hato’o mos informação relaciona ho apoio sira hussi nação sira no mos organização sira seluk, mak hanessan, Organização Mundial Saúde; Programa Nações Unidas ba Desenvolvimento (UNDP), União Europeia; China; Japão no Austrália.
Iha intervenção Deputado sira questiona kona-ba, taka total fronteira sira tanba vírus ne’ebé oras ne’e mossu ne importando; situação estudante sira iha rai liur; situação pessoal sira ne’ebé atende direita COVID-19; preparativa quarentena iha Município sira; eficiência no eficácia hussi programa Escola ba Uma; execução fundo cofid-19 nian; colocação segurança iha fronteira sira; no mos informação importante sira seluk.
Hatan ba questão sira ne’ebé levante hussi Deputado sira, Primeiro-Ministro hatete, fronteira terrestre oras ne’e dadaun taka laiha movimento entrada no saída passageiros; estudante sira iha rai liur sei hetan atenção hussi embaixada Timor nian iha rai liur, Governo sei fo atenção ba situação hotu tuir limitação ne’ebé iha. Vice-Ministro Saúde, informa kona-ba preparativos sira iha municípios, ministério fo ona orientação ba ponto vocal pessoal saúde iha cada município atu forma rassik equipa hodi atende caso moras ne’e iha município sira; além de ne’e, atualiza mos informação ba plenário, katak iha aumento paciente ba corona vírus ho total 17 pessoas. Nomos ministério sira seluk, hato’o informação relaciona ho preocupação Deputado sira nian.
Sessão plenária ne’e preside hussi Presidente Parlamento Nacional, Arão Noé de Jesus da Costa Amaral, acompanha hussi membro da Mesa sira, no mos ho presença hussi Sua Exa. Primeiro-Ministro, Taur Matak Ruak ho nia comitiva.
