Pagina Inicial»Noticia
Parlamento Nacional liu hussi Sessão Plenária Extraordinária iha loron 15 fulan dezembro tinan 2020, hahú ona halo discussão iha generalidade ba Proposta de Lei nº 9/V(2ª)-Orçamento Geral do Estado 2020 nian. Proposta de Lei ne’e apresenta hussi Primeiro-Ministro da República Democrática de Timor-Leste, Taur Matan Ruak, acompanha hussi membro Governo sira.
Discussão ne’e hahú iha 09h28 ne’ebé loke diretamente hussi Presidente Parlamento Nacional, Arão Noé de Jesus da Costa Amaral, acompanha hussi membro Mesa sira. No contínua kedas ho execução Hino Nacional da República Democrática de Timor-Leste, no informação kona-ba justificação de faltas hussi Sra. Deputada Maria Anabela Sávio.
Hafoin ida-ne’e, Presidente do Parlamento Nacional fó tempo ba Secretaria da Mesa hodi halo leitura ba guião ba discussão no votação ba OGE 2020, no guião ne’e rassik hetan apreciação hussi Deputado sira, liuliu kona-ba realização debate iha loron 25 fulan janeiro (loron sábado), no debate ne’e sei hotu iha loron 31 de janeiro de 2020.
Proposta OGE ba 2020 ho total $1.668 milhões de dólares americano ne’ebé fahe ba rubrica hanessan; Salários e Vencimentos, $235,610; Bens e Serviços, $582,300; Transferências Públicas $329,706; Capital Menor, $31,548 no Capital de Desenvolvimento $488,837.
Liu tiha ida-ne’e, Presidente do Parlamento Nacional continua fó tempo ba Primeiro-Ministro hodi halo apresentação ba Proposta de Lei OGE 2020 nian; no contínua ho apresentação relatório no parecer hussi Comissão Finanças Publicas nian.
Primeiro-Ministro iha nia apreciação ba relatório Comissão C nian hatete Governo simu no considera relatório no parecer refere no sei responde di’ak liu tan iha discussão especialidade.
Iha debate dadeer ne’e, iha intervenção dahuluk, iha Deputado na’in 4 mak halo intervenção kona-ba Proposta OGE 2020, no hetan kedas reposta hussi Primeiro-Ministro no Vice-Ministra das Finanças, antes hakat ba intervalo almoço nian.
Entretanto iha parte loraik, iha Deputado na’in sanulu ressin haat Mak halo intervenção liga ba execução OGE no programa Governo nian, no hetan resposta hussi Primeiro-Ministro.
Discussão loron dahuluk ne’e termina iha 17h46 no sei continua iha loron tuir mai, 16 fulan janeiro tinan 2020.
