Pagina Inicial»Noticia
Parlamento Nacional liu hussi Comissão A ne'ebe trata Assuntos Constitucionais e Justiça, hala’o fiscalização ba Município Baucau no Município Cova-lima, iha loron 11 to’o 13 fulan dezembro tinan 2019.
Deputado sira comissão A fahe ba grupo rua, Primeiro grupo ba halo fiscalização iha Município Cova-lima, ne’ebé lidera hussi Presidente Comissão A, Carmelita Caetano Moniz, hamutuk ho Deputado António Verdial, Adriano do Nacimento, Óscar de Araújo, no Dario Madeira no José Pacheco Soares. No grupo segundo ba halo fiscalização iha Município Baucau no lidera hussi Vice-Presidente Comissão A, Francisco de Vasconcelos, hamutuk ho Deputado Aniceto Guterres, Joaquim dos Santos, Patrocino Fernandes dos Reis, Francisco Xavier.
Delegação halo fiscalização ba área ne´ebe mak cabe ba competência comissão nian rassik mak hanessan assuntos Administração Pública, Justiça, Direitos liberdades no garantia no seluk tan.
Delegação sira hala’o reunião primeira ho Administração Estatal hamutuk ho Administrador Município no Diretores Ministeriais, depois de reunião delegação continua reunião ho Presidente Tribunal Distrital sira no mos Procurador-Geral.
Grupo primeiro ne’ebé lidera hussi Presidente Comissão A realiza visita ba iha Prisão Cova-lima hodi hare ba condições iha Prisão refere.
Baseia ba fiscalização ne’e, Comissão A foti conclusão katak Administração publica sai preocupação boot tanba falta de Recursos Humanos no funcionários contratados ne’ebé serviço tempo naruk lai ha dalan hodi sai funcionário permanente, la iha Transportes hodi apoio atividades iha tereno, seidauk iha lei hodi Protege segurança civil wainhira halo segurança iha Jalan Toll, Problema Disputa rai. Iha parte justiça nian Juiz sira recomenda atu Tribunal Recurso tem que tau subsídio ba tratamento Saúde nomos construi lalais residência oficial ba Juiz sira iha Município no apoio segurança.
