Pagina Inicial»Noticia
Centro da Promoção de Igualdade de Género (CPIG) iha Parlamento Nacional organiza formação ba funcionário sira Parlamento Nacional nian iha loron 22 too 27 fulan julho tinan 2019, iha Município Liquiçá.
Formação ne’e realiza ho objetivo atu capacita no hakle’an conhecimento funcionário sira-nian hodi fó apoio técnico di’ak liu tan ba Deputado sira.
Secretário-Geral do Parlamento Nacional, Adelino Afonso de Jesus, iha abertura ba formação ne’e hussu ba funcionário sira atu aproveita matéria hirak ne’ebé sei hetan durante formação, nune’e bele sai funcionário profissional iha knaar loroloron.
Matéria ba formação ne’e mak hanessan; Constituição RDTL, apresenta hussi Jimmy Betu Lau, Técnico Analista Legal do Parlamento Nacional; Direitos Humanos, apresenta hussi Cristóvão Pereira, Coordenador do Gabinete Auditoria Interna; Violência Domestica, apresenta hussi Maria José Guterres, Diretora Fokupers; Planeamento Familiar apresenta hussi Maia da Costa, representante Marie Stopes; Saúde Reprodutiva apresenta hussi Domingas Bernardo, Adjunto UNFPA; CEDAW no Orçamento Sensível ba Género apresenta hussi Camille Wauters, representante UN Women; Plano Acão Anual Violência Baseia ba Género apresenta hussi representante Secretaria Estado Igualdade e Inclusão, Odília Martins; Código de Ética apresenta hussi Nelson Filomeno R, de Jesus, Inspetor Comissão da Função Publico; Boa Governação apresenta hussi Marina Bernardina Goia, Diretora Provedoria dos Direitos Humanos e Justiça; no Mecanismo Pesquisa apresenta hussi Maria dos Reis, representante IRI.
Formação ne’e participa hussi funcionário sira na’in 25 hussi divisão sira iha secretariado Parlamento Nacional nian.
