Pagina Inicial»Noticia
Presidente do Grupo das Mulheres de Parlamentares de Timor-Leste (GMPTL), Deputada Lídia Norberta dos Santos Martins no Secretária da GMPTL, Deputada Elvina Sousa Carvalho, halo reunião ho grupo ARCOIRIS, iha loron 10 fulan julho tinan 2019, iha sala reunião GMPTL nian.
Grupo ARCOIRIS ne’e mai hussi comunidade LGBTI (Lésbia, Gay, Biseksual, Transjéneru no Interseksu), ne’ebé durante ne’e halibur timoroan barak iha uma mahon ida.
Porta-vos grupo ne’e, Bela Galhos, hatete durante ne’e grupo LGBTI hetan discriminação barak iha sociedade nia leet, inclui iha família rassik. Tanba ne’e liu hussi reunião ho GMPTL bele partilha preocupação sira oinsá ema hotu liuliu Deputado sira hanessan representante povo bele considera preocupação sira-ne’e.
Aproveita oportunidade ne’e, grupo ARCOIRIS convida Deputada sira iha GMPTL hodi participa iha Marcá de Diversidade ne’ebé sei realiza iha loron 12 fulan julho tinan 2019, hodi comemora loron LGBTI Internacional ba datoluk iha Timor-Leste.
Presidente GMPTL hatete, reunião ne’e hanessan reunião dahuluk ne’ebé GMPTL sei iha fase rona preocupação sira hodi informa mós membro sira GMPTL nian antes decide buat ruma. Tanba hanesan Parlamento Nacional representa povo tomak, la haree ba rasa, cor, língua no seluk tan.
Reunião ne’e realiza tanba hetan apoio hussi Embaixada Austrália, CAUCUS, inclui organização sira seluk.
