Pagina Inicial»Noticia
Comissão D ne’ebé trata assunto Economia e Desenvolvimento ho Comissão E ne’ebé trata assunto Infraestruturas, iha Parlamento Nacional halo audiência ho Empresa Internacional Alcatel Submarine Networks, hodi ko’alia kona-ba Fibra Ótica iha Timor-Leste, iha loron 10 fulan julho tinan 2019, iha sala de conferências Parlamento Nacional nian.
Durante reunião, empresa internacional ne’e fahe experiencia ba Deputado sira kona-ba cabo-submarino nian. Empresa ne’e nia baze iha Europa ne’ebé iha ona experiencia hodi halo instalação ba cabo-submarino quase um terço (⅓) iha mundo.
Empresa ne’e halo pesquisa mós oinsá bele instala fibra ótica hussi Indonésia mai Timor-Leste ka hussi Austrália mai Timor-Leste, ne’ebé tetu mós aspeto oioin, no ikus liu fó recomendação ba Parlamento Nacional hodi analisa no decide.
Presidente Comissão E, Deputado Abel Pires da Silva, hatete recomendação hussi empresa ne’e hanessan mós preocupação hussi Deputado sira-nian ne’ebé durante ne’e analise katak instala hussi Indonésia ka Austrália maibé tem que tetu ba aspeto hotu.
Parlamento Nacional liu hussi Comissão E mós sei informa ba ministério competente atu oinsá realiza plano ne’e hodi bele resolve preocupação sira hanessan linha internet ho nia custo ne’ebé horas ne’e daudaun caro liu, no bele facilita atividade economia sira seluk.
