Pagina Inicial»Noticia
Comissão F iha Parlamento Nacional ne’ebé trata Assunto Educação, Saúde, Segurança Social e Igualdade Género, halo audiência ho Grupo Labarik Foin-sa’e ne’ebé acompanha hussi Comissária Comissão Nacional dos Direitos da Crianças, Dinora Granadeiro, ho nia equipa iha loron 03 fulan julho tinan 2019, iha Sala Comissão F Parlamento Nacional.
Grupo Labarik Foin-sa’e ne’e hamahan aan iha Movimento Feto Foin-Sa’e, ho objetivo atu ko’alia kona-ba assunto Saúde, Segurança Social no Género, inclui assunto sira kona-ba Labarik Feto sira.
Durante audiência, Grupo Labarik Foin-sa’e apresenta preocupação geral relaciona ho acontecimento sira iha Timor-Leste ne’ebé afeita ba labarik feto foin-sa’e sira nia moris, hussi parte educação, saúde, acesso ba justiça no proteção ba labarik sira hussi violência no discriminação ne’ebe mak sira hassoru iha uma, escola no fatin público sira.
Tanba ne’e Parlamento Nacional hanessan órgão legislador, Comissão F sei reativa fali Esboço Lei Proteção ba Labarik ne’ebé mak kaduka ona, Parlamento Nacional sei hare no discute fila fali iha tinan ida-ne’e ou tinan oin mai atu bele protege direito labarik sira-nian.
