Pagina Inicial»Noticia
Provedora da Provedoria dos Direitos Humanos e Justiça (PDHJ), Jesuína Maria Ferreira Gomes, ho nia adjunto sira entrega relatório tinan 2018 nian ba Presidente do Parlamento Nacional, Arão Noé de Jesus da Costa Amaral, iha loron 25 fulan junho tinan 2019, iha Gabinete Presidente nian.
Provedora PDHJ hatete relatório ne’e menciona kona-ba serviço tomak PDHJ nian liuliu progresso no desafio sira ne’ebé PDHJ enfrenta.
Tuir dados ne’ebé PDHJ identifica katak horas ne’e daudaun população barak mak entende ona saida mak PDHJ compara ho tinan hirak ba kotuk, nune’e mós formação ba membro sira PNTL no F-FDTL kona-ba diretos humanos.
Presidente do Parlamento Nacional aprecia tebes ho serviço PDHJ nian no hussu atu continua melhoria iha futuro, liuliu iha área seminário nian tanba agora daudaun ema barak exige liu nia direito do que nia dever.
Presidente do Parlamento Nacional mós promete sei tau agenda iha tempo badak hodi apresenta relatório PDHJ nian iha Sessão Plenária.
