Pagina Inicial»Noticia
Parlamento Nacional liu hussi Sessão Plenária ordinária, iha loron 24 de julho de 2019, ho Agenda no 115/V(1a), presta homenagem ikus ba matebian Ex-Deputado Assembleia Constituinte no Primeira Legislatura Parlamento Nacional, hahú tinan 2002 to’o tinan 2007 nian, Saudoso Paulo Alves Sarmento “TULODA”.
Paulo Alves Sarmento ho código resistência TULODA nu’udar ativista ASDT/FRETILIN no colaborador Comité Zona Turiscai, Sector Centro Sul, no assume mós knaar importância iha processo luta libertação nacional no desempenho papel determinante iha organização rede clandestina nian.
Ex-Deputado, Paulo Alves Sarmento “TULODA” moris iha Aldeia Lacio, Suco Aitemua, Posto Administrativo Turiscai, Município Manufahi, iha loron 06 fulan fevereiro tihan 1957, no hakotu iis iha loron 17 fulan junho tinan 2019, iha Díli, ho idade 62 anos.
Iha sessão homenagem ne’e, Bancada Parlamentar sira hato’o sira nia sentidos profundas condolências ba nia kaben Clementina Jaques Belo, famílias no amigos em lutadas, ne’ebé lakon ema di’ak ida iha sira-nia sorin.
Iha sessão Plenária ne’e mos, Deputado sira halo aprovação ba voto de pesar ba falecimento Saudoso Paulo Alves Sarmento “TULODA”, ho 43 votos por unanimidades.
Antes hahú sessão ne’e, Presidente do Parlamento Nacional Informa ba Plenária katak, tuir loloos, sessão de homenagem ne’e hala’o iha semana kotuk, maibé, labele realiza, tanba, maioria Deputado sira participa iha cerimónia inauguração Aeroporto Rota de Sândalo no continua ho participa iha seminário ho tema, ‘’Anti-corrupção e Boa Governação,’’ ne’ebé organiza hussi Parlamento Nacional Timor-Leste ho Agência Internacional Oxford Committee for Famine Relief (OXFAM), iha Região Administrativa Especial de Oecússi Ambeno (RAEOA).
Sessão Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira, no hetan presença hussi Família matebian.
