Pagina Inicial»Noticia
Comissão de Assunto Infraestrutura e Telecomunicação (Comissão E) Parlamento Nacional, halo visita de fiscalização ba projeto de construção ba proteção moru Ponte CPLP Comoro Município Díli, iha loron 13 fulan junho tinan 2019.
Iha Fiscalização ne’e, Deputado sira hassoru malu ho Chefe Aldeia Comoro hodi ko’alia kona ba problema ne’ebé mak comunidade sira hassoru wainhira udan boot, hanessan foin daudaun ne’e acontece udan boot estraga comunidade nia uma hamutuk rua.
Chefe Aldeia mos informa katak, problema refere hato’o ona ba parte Governo atu resolve, alem de ne’e, Comunidade sira iha fatin refere ho iniciativa rassik hussu ba companhia local sira atu ajuda, agora daudaun Companhia SEVALO ELPITO UNIP,Lda mak prepara sira nia material sira hodi fó apoio. Ho ida-ne’e, Comissão E comprometido sei haruka pedido ba MOP (Ministério Obras Publicas) hodi resolve urgentemente.
Fiscalização ne’e lidera hussi Presidente Comissão E, Deputado Abel Pires da Silva, hamutuk ho Membro Deputado Comissão E nian, acompanha ho técnico sira.
