Pagina Inicial»Noticia
Parlamento Nacional liu hussi Sessão Plenária ordinária, iha loron 11 de junho de 2019 halo discussão no apreciação ba relatório de fiscalização hussi Comissão de Educação, Juventude, Cultura e Cidadania ba RAEOA- Oecússi, ho objetivo atu recolha informação relaciona ho ação greve ne’ebé halo hussi sindicato professores iha RAEOA. Relatório ida ne’e apresenta hussi Presidente Comissão G, Deputada Albina Marçal ho relator Deputado Gabriel Soares.
Iha sessão Plenária ne’e, Bancadas Parlamentares KHUNTO nomos FRETILIN hato’o sira nia declaração política.
Entretanto iha intervenções diversas, Deputado sira continua hato’o preocupação kona-ba Estrada, bé mos, eletricidade iha município sira, merenda escolar atraso, questão kona ba inan ne’ebé abandona nia bebe iha Lahane Ocidental, queixa hussi pescadores Ataúro relaciona ho tara bandu iha tassi, Chefe de Sucos iha Município balun la simu sira nia direito, inspeção regular ba transportes públicos tanba transportes balun la iha ona condição, no informação importante seluk.
Em relação ho assunto hirak ne’ebé levante hussi Senhores Deputados, Ministro da Reforma Legislativa e Assuntos Parlamentares, Fidélis Manuel Leite Magalhães, hatete, assunto sira ne’e sei hato’o ba ministério competente hodi resolve.
Sessão Plenária ne’e preside hussi Vice-Presidente do Parlamento Nacional, Luís Roberto da Silva, acompanha hussi membro da Mesa sira, no hetan presença hussi Ministro da Reforma Legislativa e Assuntos Parlamentares, Fidélis Manuel Leite Magalhães.
