Pagina Inicial»Noticia
Parlamento Nacional liu hussi Sessão Plenária ordinária iha loron 10 fulan junho tinan 2019, halo discussão no votação ba autorização ba Deputado Arão de Jesus da Costa Amaral ho Deputado Francisco Branco presta depoimento hanessan testemunha ba iha tribunal. Autorização ne’e liu hussi voto secreto hussi Deputado sira, no Deputado Arão Noé ho 52 votos A favor, 1 contra no 0 abstenções, nune’e mos Deputado Francisco Branco ho votos 50 a favor, 3 contra no 0 abstenções, la iha voto nulo no branco.
Iha sessão Plenária ne’e, distribui mos ba Deputado sira ofício hussi Chefe Gabinete Ministério Educação ho data 15 de abril de 2019 no Defensor Público-Geral ho data 29 de maio de 2019, hodi fó resposta ba preocupações hussi Deputado sira. Alem de ne’e, Bancadas Parlamentares CNRT ho PD hato’o mos sira nia declaração política.
Entretanto iha intervenções diversas, Deputado sira hato’o preocupação kona-ba relatório de execução OGE 2019 ba primeiro trimestre nian ne’ebé tem que descreve receitas no despesas, problema tratores, la iha transporte ba Chefe Suco sira, lei protocolar Timor Leste ninian, membro polícia balun halo agressão físico ba Jovem balun sem provas, processo Ró-haksolok nian, exigência presença Primeiro-Ministro nian iha Parlamento, no informação importante seluk.
Em relação ho assunto hirak ne’ebé levante hussi Senhores Deputados, Ministro da Reforma Legislativa e Assuntos Parlamentares, Fidélis Manuel Leite Magalhães, hatete, assunto sira ne’e sei hato’o ba ministério competente hodi resolve, em relação ho problema presença primeiro-Ministro iha Parlamento, Governo sei fó resposta iha semana ne’e nia laran, relativamente ho problemas Sucos, Governo marca ona encontro ho Chefe Suco sira ohin ho presença Primeiro-Ministro nian iha Ministério Estatal, kona-ba Lei Protocolar MNEC halo hela revisão.
Sessão Plenária ne’e preside hussi Vice-Presidente do Parlamento Nacional, Maria Angelina Lopes Sarmento, acompanha hussi membro da Mesa sira, no hetan presença hussi Ministro da Reforma Legislativa e Assuntos Parlamentares, Fidélis Manuel Leite Magalhães.
