Pagina Inicial»Noticia
Parlamento Nacional liu hussi Sessão Plenária ordinária iha loron 04 fulan junho tinan 2019, Deputado sira halo apreciação ba relatório Fiscalização hussi Comissão de Economia e Desenvolvimento (Comissão D) iha Município Viqueque nian. Relatório ne’e apresenta hussi Presidente Comissão D, Deputada Virginia Ana Belo ho relatora Deputada Olinda Guterres.
Entretanto iha intervenções diversas, Deputado sira continua hato’o preocupação kona-ba problemas mak hanesan, irrigação, saúde, bee mos, estrada no eletricidades. Alem de ne’e, hato’o mos preocupação kona-ba Problema Professores iha RAEOA Oe-cusse, no mos assuntos importante sira seluk.
Durante Discussão, Bancada Fretilin, husu ba Mesa atu considera hodi fó voto de pesar ba Esposa Ex-Presidente Indonésia, Susilo Bambang Yudayono (SBY) ne’ebé hussik iis iha loron hirak liu ba. Ho nune’e, mesa considera hodi agenda Voto de pesar ne’e ba próxima sessão Plenária, iha loron 10 de junho de 2019.
Em relação ho assunto hirak ne’ebé levante husi Deputados sira, Ministro da Reforma Legislativa e Assuntos Parlamentares, Fidélis Manuel Leite Magalhães, hateten assunto sira ne’e sei informa ba ministério relevante hodi resolve.
Sessão Plenária ne’e preside hussi Vice-Presidente do Parlamento Nacional, Maria Angelina Lopes Sarmento, acompanha hussi membro da Mesa sira, no hetan presença hussi Ministro da Reforma Legislativa e Assuntos Parlamentares, Fidélis Manuel Leite Magalhães.
