Parlamento Nacional aprova ona Plano Ação ho nia orçamento privativo ba tinan 2016 ho montante $15.167.000 (quinze milhões cento e sessenta e sete mil). Aprovação final ne’e hala’o iha loron 7 fulan outubro tinan 2015.
Antes hala’o aprovação, Comissão de Finanças Públicas (Comissão C) lê uluk nia parecer kona-ba plano ação no orçamento privativo ne’e.
Discussão ba plano ação no orçamento privativo ne’e hala’o durante loron rua (segunda no quarta-feira), hodi discute kle’an kona-ba rubrica ka item ne’ebé menciona iha orçamento ne’e rassik.
Durante discussão, Deputado sira questiona maka’as kona-ba execução orçamento tinan 2015 nian no plano hirak ne’ebé prevê ba tinan 2016, liuliu iha capital menor no capital desenvolvimento, ne’ebé ba tinan 2016 Parlamento Nacional la prevê.
Maski iha discussão maka’as, ikus mai Deputado sira consegue aprova Plano Ação no Orçamento Privativo ne’e ho unanimidade, ho votos a favor 43, contra 0, abstenção 0.
