Parlamento Nacional iha loron 5 fulan outubro tinan 2015 hala’o eleição hodi hili membro sira ba Comissão de Homenagem, Supervisão do Registo e Recursos.
Eleição ne’e hala’o iha período da ordem do dia depois de período de antes ordem do dia ne’ebé sessão plenária hanessan baibain hodi Deputado sira apresenta no discute assunto sira ne’ebé importante.
Antes Deputado sira hili candidato sira, Vice-Secretária Mesa Parlamento Nacional Ângela Maria Corvelo A. Sarmento lê uluk curriculum vitae no carta de aceitação hussi candidato sira.
Candidato ne’ebé Parlamento Nacional hili mak João de Jesus Varela no Ventura de Araújo «Labook». Candidato rua ne’e atu preenche ba município Ermera no Ainaro.
Candidato rua ne’e apresenta hussi bancada FRETILIN no CNRT. Sira eleito ho votos 50 ba João de Varela no votos 51 ba Ventura de Araújo «Labook».
