Pagina Inicial»Noticia
Parlamento Nacional liu hussi Sessão Plenária ordinária iha loron 21 fulan maio tinan 2019, halo levantamento de imunidade ba Deputado Adérito Hugo da Costa, hussi Bancada CNRT ho 36 votos a favor, 8 contra no 2 abstenções.
Ho levantamento de imunidade ne’e, Parlamento Nacional autoriza Deputado CNRT ne’e hodi bele hatán iha Tribunal tuir notificação ne’ebé mak iha.
Iha Sessão Plenária ne’e mós Mesa Parlamento Nacional distribui carta hussi Presidente da República ba Deputado sira kona-ba publicação Deputado Sabino Soares «Guntur», hussi Bancada PLP, iha pagina Facebook iha semana hirak liu ba.
Sorin seluk, Deputado sira mós halo voto de saudação pela ascensão ao trono do Imperador Naruhito do Japão, ho 53 votos a favor, 0 contra no 0 abstenções. No voto de saudação pela coroação do Rei Maha Vajiralongkorn da Tailândia, ho 53 votos a favor, 0 contra no 0 abstenções.
Além de ne’e, Bancada CNRT iha nia declaração politica descorda declaração politica hussi Bancada FRETILIN iha semana kotuk kona-ba projeto Tassi-Mane. No Bancada KHUNTO iha nia declaração politica ko’alia kona-ba confronto iha Município Baucau hodi resulta ema ida mate, no membro VIII Governo Constitucional ne’ebé too agora seidauk completo inclui assunto importante sira seluk.
Ministro da Reforma Legislativa e Assuntos Parlamentares, Fidélis Manuel Leite Magalhães, hatete assunto sira liga ba projeto Tassi-Mane tuir processo normal no sei informa ba Parlamento Nacional, Governo continua esforço hodi resolve preocupação hirak ne’ebé população sira enfrenta.
Sessão Plenária ne’e Preside hussi Vice-Presidente do Parlamento Nacional, Maria Angelina Lopes Sarmento, acompanha hussi membro da Mesa sira no hetan presença hussi Ministro da Reforma Legislativa e Assuntos Parlamentares, Fidélis Manuel Leite Magalhães.
