Pagina Inicial»Noticia
Parlamento Nacional liu hussi reunião Plenária ordinária iha loron 14 fulan maio tinan 2019, aprova ona Projeto de Resolução nº 29/V (1.a) Recomendações ao Governo por ocasião da comemoração do Dia Mundial da Família, ho 33 votos a favor, 0 contra no 4 abstenções.
Sessão Plenária ne’e mós halo apreciação ba relatório fiscalização hussi Comissão D, ne’ebé trata assunto Economia e Desenvolvimento, ba iha Município Manufahi no Manatuto. Iha relatório ne’e Comissão D sugere atu Governo fó atenção ba problema hirak ne’ebé comissão identifica.
Alem de ne’e Bancada FRETILIN apresenta declaração politica hodi exige transparência ba contrato ne’ebé halo hussi TIMOR GAP ho companha internacional ida ba projeto Beaço nian. No Bancada KHUNTO iha nia declaração politica kona-ba programa toos escolar hussi Ministério da Educação ne’ebé parado ona, clínica ba moras mental sira, no assunto rai nian.
Ministro da Reforma Legislativa e Assuntos Parlamentares, Fidélis Manuel Leite Magalhães, hatete kona-ba transparência ba projeto sira Governo sei informa ba Parlamento Nacional, no assunto sira seluk continua relata ba ministério competente atu soluciona.
Reunião Plenária ne’e preside hussi Vice-Presidente do Parlamento Nacional, Maria Angelina Lopes Sarmento, acompanha hussi membro da Mesa sira, no hetan presença hussi Ministro da Reforma Legislativa e Assuntos Parlamentares, Fidélis Manuel Leite Magalhães.
