Pagina Inicial»Noticia
Comissão F iha Parlamento Nacional ne’ebé trata assunto Saúde, Segurança Social no Igualdade Género, hala ’ó-nia fiscalização iha Município Lautém, iha loron 8 too 10 fulan maio tinan 2019.
Fiscalização ne’ebé lidera hussi Presidente Comissão F, Deputada Maria Gorumali Barreto, ne’e iha loron dahuluk ho visita uma ualu (8) ne’ebé Governo harii ba veterano sira ne’ebé hetan reforma hussi instituição F-FDTL, no continua kedas ba armazém Ministério da Solidariedade Social e Inclusão nian hodi haree ai-han hirak ne’ebé iha armazém laran inclui condição armazém rassik.
Comissão F mós halo fiscalização ba iha Centro de Saúde Município Lautém hodi haree direitamente ba condição iha hospital refere.
Iha fiscalização ne’e Comissão F halo reunião ho Presidente da Autoridade Município Lautém ho direção ministerial sira iha município, hodi rona preocupação no sugestão sira liga ba desenvolvimento nacional no município ninian.
Ikus hussi fiscalização ne’e, Comissão F halo reunião ho autoridade local sira iha Posto Administrativo Luro, hodi rona no haree dificuldade sira ne’ebé durante ne’e autoridade sira hassoru.
