Pagina Inicial»Noticia
Presidente do Parlamento Nacional, Arão Noé de Jesus da Costa Amaral, sai orador principal iha conferência internacional, Fórum Diálogo Díli, iha loron 9 fulan maio tinan 2019, iha salão São José Catedral Díli.
Fórum Dialogo Díli ne’e organiza hussi Conselho de Imprensa hodi comemora aniversario Conselho de Imprensa ba datoluk.
Matéria ne’ebé Presidente do Parlamento Nacional apresenta iha conferência internacional ne’e mak policy on the strengthening of the self regulation in the area Jorlanalism for the sake of free flow of imformation.
Iha discurso Presidente do Parlamento Nacional hatete Parlamento Nacional hanessan Órgão Legislador Estado nian iha responsabilidade atu assegura funcionamento instituição sira iha processo harii, hametin no haburas Estado.
Instituição sira ne’e mak inclui media hanessan meios comunicação ho nia papel importante iha controlo social no acompanha lala’ok Estado nian.
Tanba ne’e Parlamento Nacional aprova ona Lei Comunicação Social nº 5 / 2014, lei ida-ne’e fó proteção ba jornalista sira nia serviço, assegura independência hussi meios comunicação sira inclui assegura direito universal sira cada cidadão nian atu hetan aceso ba informação tuir Constituição República Democrática Timor Leste nian.
Orador sira seluk ne’ebé participa iha evento ne’e mak Secretário de Estado para a Comunicação Social, Mericio Juvenal dos Reis, Jornalista Sénior hussi Portugal, Adelino Gomes, inclui orador sira seluk.
