Pagina Inicial»Noticia
Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira, Chefe bancada sira, no Presidente Grupo Nacional ba Assembleia Parlamentar das Comunidade dos Países de Língua Portuguesa (AP-CPLP), Deputado Francisco Miranda Branco, hala’o abertura ba semana da Língua Portuguesa, iha loron 06 fulan maio tinan 2019, iha Parlamento Nacional.
Abertura ba atividade ne’e hahú ho voto de saudações ba Dia da Língua Portuguesa e da Cultura CPLP no tinan 20 assinatura ba acordo 5 de maio 1999, liu hussi sessão Plenária ho 53 votos a favor, 0 contra no 0 abstenções.
Iha discurso abertura, Presidente Parlamento Nacional hateten língua portuguesa hanessan lian resistência ne’ebé acompanha durante tinan 24, no agora ho estatuto hanessan lian oficial hamutuk ho Tétum ne’ebé parte ida hussi identidade Timor nian.
Iha oportunidade ne’e Presidente do Parlamento Nacional no Ministro da Reforma Legislativa e Assuntos Parlamentares, mós entrega premio ba manán na’in sira ba concurso hakerek criativa ba escola secundaria sira iha capital Díli no Funcionário Parlamento Nacional nian.
Evento Dia da Língua Portuguesa e da Cultura CPLP ne’e halo mós exposição ba «Uma Imagem, Mil Palavras».
Cerimónia ne’e marca presença mós Embaixador da Portugal, Reitor UNTL no convidado sira seluk.
