Pagina Inicial»Noticia
Comissão F iha Parlamento Nacional ne’ebé trata assunto Educação, Saúde, Segurança Social e Igualdade Género, hala’ó-nia fiscalização iha Município Cova Lima hahú iha loron 25 too 27 fulan abril tinan 2019.
Atividade fiscalização ne’ebé lidera Presidente Comissão F, Deputada Maria Gorumali Barreto, hahú ho reunião ho autoridade local sira iha Posto Administrativo Zumalai, inclui representante direção hussi ministério sira.
Hafoin, delegação continua ba capital Município Cova Lima hodi halo reunião ho Administrador Município Cova Lima ho acompanhamento hussi representante ministerial sira iha município.
Iha loron tuir mai, Comissão F continua halo reunião ho autoridade local no comunidade sira iha Posto Administrativo Tilomar. Alem de ne’e fiscaliza Hospital referencia Cova Lima hodi haree condição real hospital refere, inclui uma MDG iha Aldeia Lalaoa ne’ebé comunidade sira la usa no ikus liu ba Uma Mahon Salele ne’ebé harii hussi madre sira.
Durante audiência, autoridade local inclui comunidade sira preocupa liu kona-ba saúde, educação, veterano no idoso sira, oinsá Governo bele cria condição di’ak hodi facilita comunidade sira iha base, hanessan menos facilidade hospital, pessoal saúde la suficiente, veterano balun seidauk simu pensão no seluk tan.
Sorin seluk kona-ba idoso sira-nian sugere atu muda maneira pagamento tanba idoso barak dook hussi vila.
