Pagina Inicial»Noticia
Presidente do Parlamento Nacional, Arão Noé de Jesus da Costa Amaral, acompanha hussi Vice-Presidente, Maria Angelina Lopes Sarmento, Presidente da Comissão Nacional de Eleições, Alcino de Araújo Barris, fó posse ba Comissário da Comissão Nacional de Eleições, Afonso Carmona, iha loron 23 fulan abril tinan 2019, iha recinto do Parlamento Nacional.
Cerimonia ne’e hahú ho ato de Compromisso no Assinatura do Termo de Posse ba Comissário da Comissão Nacional de Eleições. Hafoin ida-ne’e, continua ho discurso hussi Presidente do Parlamento Nacional, Arão Noé de Jesus da Costa Amaral, ne’ebé hateten “CNE durante hala’o nia função tane aas espírito ba missão “SERVÍ” ba ita nia país nia interesse. Tanba ne’e, ha’u felicita no encoraja comissário foun ne’ebé exerce nia função, nia determinação no nia competência, hodi cuida confiança hussi sociedade iha sistema democracia representativa nian. Desde restauração independência, Comissão Nacional de Eleições assume ona papel chave hodi assegura participação hussi cidadão hotu no respeita hussi vontade popular ne’ebé expressa iha urnas. Condição ida ne’e nu’udar condição fundamental ba manutenção da estabilidade política no credibilidade instituição nian”
Iha cerimónia ne’e, Presidente da Comissão Nacional de Eleições, Alcino de Araújo Barris halo mós nia intervenção relaciona ho tomada de posse ba Comissário da Comissão Nacional de Eleições
Convidado sira ne’ebé participa iha cerimónia ne’e maka Chefe Bancada sira, Dirigente sira Secretariado-Geral Parlamento Nacional, funcionário sira hussi Comissão Nacional de Eleições, Padre José Mariana de Deus no convidado sira seluk.
