Pagina Inicial»Noticia
Grupo Parlamentar Sudeste Asiático ba Direitos Humanos (Asean Parliamentarians for Human Rights – APHR), ne’ebé chefia hussi Coordenadora Regional iha Asia, Desi Hanara, ho nia equipa sira halo reunião ho Vice-Presidente do Parlamento Nacional, Deputada Angelina Lopes Sarmento, acompanha hussi representante bancada sira, iha loron 3 fulan abril tinan 2019, iha sala de Conferências Parlamento Nacional.
Durante reunião, Vice-Presidente hatete Timor-Leste iha tolerância ne’ebé aas entre religião sira no promove participação iha vida politica.
Timor-Leste iha nia experiencia kona-ba liberdade religião nian, no iha duni ponto positivo entre religião Católico ho religião seluk ne’ebe existi iha Timor-Leste.
Entretanto Grupo Parlamentar Asiático ba Direitos Humanos, apresenta kona-ba atividade tomak grupo ne’e nian, atu Deputado sira ne’ebé sai membro ba APHR bele entende lala’ok hotu.
