Pagina Inicial»Noticia
Parlamento Nacional liu hussi Reunião Plenária ordinária, iha loron 01 fulan abril tinan 2019, halo discussão no aprovação ba Projeto de Resolução Parlamento Nacional nian nº 24/V (1ª) - Estabelecimento Programa Parlamento dos Jovens, ho 50 votos a favor, 0 contra no 0 abstenções.
Reunião Plenária continua ho voto de pesar ba falecimento Saudoso Hélder Manuel Pires Piedade “Foho Rai Bo’ot” ne’ebé hakotu iis iha loron 24 fulan março tinan 2019, iha Hospital Leighton Crewe, Reino Unido, ho 53 votos a favor, 0 contra no 0 abstenções. Nune’e mós aprova voto de pesar ba falecimento Saudoso Caetano dos Santos “Manu Fuik”, ne’ebé hakotu iis iha loron 21 fulan março tinan 2019, ho 56 votos a favor, 0 contra no 0 abstenções.
Hafoin halo voto de pesar rua ne’e, Sessão Plenária continua ho intervenção hussi Deputado sira relaciona ho assunto infraestrutura básica iha município sira hanessan, bee-moos, estrada no eletricidade, no assunto sira veteranos, no mos assunto educação nian mak hanessan professor balun iha Oecússi la simu salario quase fulan haat ona, condição escola balun iha município sira no problema seluk tan. Relativamente ho problema ne’ebé levanta hussi Deputado sira, sugere atu ministério competente sira toma atenção no resolve.
Reunião ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da mesa sira, no hetan presença hussi Ministro da Reforma Administrativa e Assuntos Parlamentares, Fidélis Manuel Leite Magalhães .
