Pagina Inicial»Noticia
Parlamento Nacional liu hussi Secretário-Geral do Parlamento Nacional, Adelino Afonso de Jesus, acompanha hussi Secretário-Geral Adjunto, Luis Nascimento de Jesus Àlves da Costa, ho nia estrutura secretariado tomak halo assinatura ba Nota de Entendimento ho Díli Medical Center (DMC) iha loron 26 fulan março tinan 2019, iha sala Conferência Parlamento Nacional.
Secretário-Geral do Parlamento Nacional iha nia discurso hateten objetivo hussi assinatura Nota de Entendimento ne’e atu estende tan acordo entre Parlamento Nacional ho DMC ne’ebé hala’o ona antes ho duração tinan ida.
Diretora Executiva DMC, Mery Monteiro, hateten assina acordo ho Parlamento Nacional ne’e hanessan continuação ba serviço ne’ebé durante ne’e hala’o ona hodi facilita no completa Clinica Parlamento Nacional, tanba DMC iha equipamento completo hodi halo atendimento ba funcionário Parlamento Nacional no Deputado sira.
