Pagina Inicial»Noticia
Parlamento Nacional liu hussi Reunião Plenária ordinária iha loron 18 fulan março tinan 2019, hahú halo discussão ba Projeto de Lei n.o 1/V (1.a) – Lei Anticorrupção.
Discussão ba Projeto de Lei ne’e hala’o iha Período da Ordem do Dia nian ho intervenção hussi Proponente ba Projeto de Lei ne’e Deputado Aniceto Guterres, kona-ba informação geral no parte sira hussi Projeto de Lei refere.
Projeto de Lei ne’e rassik apresenta hussi Bancada FRETILIN no PD ho total artigo 29, hafoin Presidente do Parlamento Nacional liu hussi Mesa baixa ba Comissão A, no liu hussi audiência pública ho entidade relevante sira inclui discussão naruk hussi membro sira Comissão A aumenta tan artigo hussi Projeto de Lei ne’e hamutuk 47.
Liu hussi discussão naruk, Projeto de Lei ne’e aprova iha Generalidade ho 47 votos a favor 0 contra no 0 abstenções, no ho autorização Plenária liu hussi 46 voto a favor 0 contra no 0 abstenções Projeto de Lei refere fila ba Comissão A hodi halo discussão iha especialidade antes aprovação final global iha Plenária.
Entretanto iha Período de Antes da Ordem do Dia nian Grupo Nacional Parlamento Nacional ba Assembleia Parlamentar – Comunidade dos Países da Língua Portuguesa (AP-CPLP) apresenta relatório serviço, iha Luanda iha loron 27 to’o 28 fulan fevereiro tinan 2019.
Grupo Nacional ne’e chefia hussi Deputado Francisco Miranda Branco, acompanha hussi Deputada Maria Terezinha Viegas, inclui técnico sira.
Iha Sessão Plenária ne’e mós Deputado sira preocupa makas ba inundação iha capital Díli inclui município balun ne’ebé afeta ba makas ba comunidade nia uma inclui edifício público, inclui assunto importante sira seluk liga ba necessidade povo nian.
Sessão Plenária ne’e preside hussi Presidente do Parlamento Nacional, Arão Noé de Jesus, acompanha hussi membro da Mesa sira no hetan presença hussi Secretario de Estado para Comunicação Social, Mericio Juvenal dos Reis.
