Pagina Inicial»Noticia
Vice-Presidente do Parlamento Nacional, Deputado Luís Roberto da Silva, acompanha hussi Presidente do Grupo Mulheres dos Parlamentares de Timor-Leste (GMPTL), Deputada Lídia Norberta Martins no Deputada sira seluk participa iha cerimonia ba celebração loron Feto Internacional no aniversario Rede Feto ba dala 19 ne’ebé ho tema «Igualdade Qualidade no Inovativu ba Ema Hotu» ho sub-tema «Feto Lidera iha Mudança», iha loron 13 fulan março tinan 2019, iha salão de Comissão Nacional das Eleições (CNE), Díli.
Cerimonia ne’e loke hussi Vice-Presidente do Parlamento Nacional, tuir kedas ho nia discurso ne’ebé ko’alia kona-ba contribuição no hametin feto nia papel iha sociedade no fó reconhecimento ba luta feto nia direito durante tempo resistência to’o agora.
Além de ne’e, nia ko’alia kona-ba principio igualdade de género ne’ebé consagra ona iha constituição RDTL inclui assunto sira seluk.
Iha comemoração ne’e halo mós sessão plenária ki’ik ida hodi discute kona-ba jornada feto iha vida politica ho nia orador sira hanessan: Adjunta Secretária-Geral Partido FRETILIN, Cipriana Pereira; Candidato ba Membro Parlamento hussi Republica Indonésia, Ratu Diah Hatifah; Presidente do Grupo Mulheres dos Parlamentares de Timor-Leste (GMPTL), Deputada, Lídia Norberta Martins; Representante, UN Women, Sunita Caminha, ne’ebé modera hussi Diretora Executivo Pátria, Laura Menezes Lopes.
Participa iha cerimónia ne’e mak hanessan; Esposa do Presidente da República, Cidália Lopes Nobre Mauzinho Guterres, Corpo Diplomático sira, Representante CNE, Membro sira Provedoria dos Diretos Humanos e Justiça, Presidente Rede Feto Timor-Leste, Judite Dias Ximenes, Representante sira hussi parceiro Rede Feto Timor Leste, estudante sira no convidado seluk.
