Pagina Inicial»Noticia
Membro sira Parlamento Nacional iha loron 12 fulan março tinan 2019, liu hussi Reunião Plenária ordinária halo voto congratulação ba celebração Loron Feto Internacional ho 54 votos a favor 0 contra no 0 abstenções.
Antes halo votação, Presidente do Grupo Mulheres Parlamentares de Timor-Leste (GMPTL), Deputada Lídia Norberta Martins, halo declaração ida hodi hato’o parabéns ba feto sira iha mundo hotu especial ba Feto Timor-Leste no hussu atu Governo, Estado no parceiro sira GMPTL tomak hodi serviço hamutuk atu capacita habilidade Feto Timor-Leste iha vida politica, economia no iha setor seluk ho qualidade no inovação hodi hola parte iha desenvolvimento nação Timor-Leste.
Iha Plenária ne’e mós Comissão D ne’ebé trata assunto Economia no Desenvolvimento apresenta nia relatório fiscalização ba armazém foos iha Díli no Tibar.
Alem de ne’e, Bancada KHUNTO mós hato’o nia declaração politica relaciona ho empasse politica ne’ebe halo hodi seidauk completa membro VIII Governo Constitucional.
Deputado sira mós liu hussi sessão Plenária ne’e apresenta sira-nia preocupação infraestrutura básica hanessan estrada, bee moos, eletricidade, ne’ebé comunidade balun seidauk acesso.
Antes termina sessão Plenária ne’e, Deputado sira aprova Projeto de Resolução n.o 17/V (1a) – kona-ba Suplemento no Subsídio ba Titular Cargo Direção, Chefia no Funcionário sira Parlamento Nacional nian ho 37 votos a favor 1 contra no 6 abstenções.
Reunião Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira no hetan presença hussi Secretário de Estado para Comunicação Social, Mericio Juvenal dos Reis.
