Pagina Inicial»Noticia
Comissão D iha Parlamento Nacional ne’ebé trata assunto Economia e Desenvolvimento halo fiscalização ba Município Bobonaro, iha loron 6 too 8 fulan março tinan 2019.
Loron dahuluk, Comissão D halo reunião ho Presidente Autoridade Município, Diretor Municipal SEPFOPE, Diretor Municipal Agricultura, Diretor Municipal Turismo, no representante Meio Ambiente nian, encontro ida ne’e realiza ho objetivo cada Direção apresenta sira nia atividades relaciona ho progresso no dificuldade ne’ebé sira enfrenta.
Parte lokraik Comissão hamutuk ho Diretor Municipal Agricultura Município Bobonaro halo fiscalização ba irrigação tradicional ne’ebé localiza iha posto administrativo Cailaco, irrigação Maliana I, ne’ebé localiza iha Suco Lahomea Posto Administrativa Bobonaro, irrigação ida ne’e benefício ba comunidade iha Suco lima mak hanessan Lahomea, Holsa, Ritabou, Raifun, Odomau.
Loron daruak nian, Comissão halo fiscalização ba irrigação Maliana II, ne’ebé localiza iha Suco Memo, irrigação ne’e fornece ba comunidade iha Suco tolu mak hanessan Tapo, Memo, no Saburai.
Comissão mos halo fiscalização ba Mercado Quarentena Ministério da Agricultura nian, ne’ebé localiza iha Fronteira Batugade, Mercado ne’e hari iha tinan 2008 maibé agora la usa, iha biban hanessan comissão mos observa Mercado Fronteira ne’ebé mak hari hussi Ministério Turismo Comercio Industria e Ambiente iha tinan 2010, no mos halo fiscalização ba Grupo Cooperativa Massin iha Atabae ne’ebé consegue produz massin tonelada rihun ida iha tinan 2018.
Atividade fiscalização ne’e lidera hussi Presidente Comissão D, Deputada Virgínia Ana Belo, acompanha hussi membro comissão nian no técnico sira.
