Pagina Inicial»Noticia
Presidente Parlamento Nacional, Arão Noé de Jesus da Costa Amaral, acompanha hussi Membro da Mesa sira no Provedora da Provedoria dos Direitos Humanos e Justiça (PDHJ), Jesuína Maria Ferreira Gomes oficialmente fó posse ba Provedor-Adjunto de Boa Governação, Miguel Pereira de Carvalho no Provedora- Adjunto de Direitos Humanos, Benícia Eriana Ximenes dos Reis Magno, iha loron 28 fulan fevereiro tinan 2019, iha recinto do Parlamento Nacional.
Cerimonia ne’e hahú ho ato de Compromisso no Assinatura do Termo de Posse ba Provedor Adjunto rua ne’e. Hafoin ida ne’e, Presidente do Parlamento Nacional, Arão Noé iha nia discurso hateten“ Oficialmente ita iha ona Provedores-Adjunto na’in rua hodi fó apoio serviço ba Provedora da Provedoria dos Direitos Humanos e Justiça, hodi serviço makas atu promove ema nia direita no Boa Governação iha Timor Leste. Parlamento Nacional iha esperança katak ho nomeação ne’e sei facilita liu tan funcionamento PDHJ hodi responde reclamação hussi cidadão sira, liuliu hakle’an liu tan educação no formação iha área Direitos Humanos no Governação iha ita nia rai.”
Iha cerimonia ne’e, Provedora da Provedoria dos Direitos Humanos e Justiça (PDHJ), Jesuína Maria Ferreira Gomes halo mos nia intervenção relaciona ho tomada de posse Provedores-Adjuntos PDHJ nain rua ne’e.
Convidado sira ne’ebe participa iha cerimónia ne’e maka Funcionário dos Provedoria dos Direitos Humanos e Justiça, Funcionários do Parlamento Nacional, Padre. Pascoal Salvador Marques no convidado sira seluk.
