Pagina Inicial»Noticia
Delegação sira hussi funcionário Eletricidade de Timor-Leste (EDTL) halo reunião ho Presidente do Parlamento Nacional, Arão Noé de Jesus da Costa Amaral, acompanha hussi Vice-Secretária da Mesa, Deputada Isabel Maria B. F. Ximenes no Deputada Regina Freitas, iha loron 28 fulan fevereiro tinan 2019, iha Gabinete do Presidente do Parlamento Nacional.
Objetivo hussi encontro ne’e atu informa ba Presidente Parlamento Nacional kona-ba promoção geral ba funcionário sira Direção Geral EDTL hamutuk na’in 520, ne’ebé balun hahú ona serviço ona iha tinan 1999 to’o agora no maioria seidauk hetan promoção ba sira nia grau no escalão.
Tuir Coordenador da Delegação, Kassio Klei Ximenes hateten Parlamento Nacional hanessan órgão fiscalizador no legislador atu hare ba questão ne’e iha futuro. Hare mós katak iha tinan ida-ne’e, sei iha quota ba promoção sira hamutuk 10% nune’e sira reclama sira nia direito tanba lei fó dalan, no atu motiva funcionário EDTL sira hodi serviço di’ak liu tan iha futuro.
Tuir Kassio Klei Ximenes katak Presidente do Parlamento Nacional sei halo recomendação ba Governo atu ko’alia kona-ba promoção, tratamento especial ba funcionário EDTL liu hussi regime transitória ida.
