Pagina Inicial»Noticia
Presidente Parlamento Nacional, Arão Noé de Jesus da Costa Amaral, halo reunião mensal ho Presidente da República, Francisco Guterres “Lu-olo”, iha loron 27 fulan fevereiro tinan 2019, iha Palácio de Presidencial, Ai-Tarak-laran Díli.
Objetivo reunião ne’e atu informa ba Presidente da República kona-ba atividade Parlamento Nacional nian durante fulan fevereiro, hanessan debate ho Governo kona-ba assunto segurança nian, gestão de lixo, medida adotada sira ba implementação Política Zero Plástico, apresentação da Política de Investimento do Fundo Petrolífero no inscrição estudante sira ba Regime Especial no Geral tinan académico 2019 iha Universidade Nacional de Timor Leste no mós atividade comissão sira iha município sira.
Presidente da República aprecia ba serviço Parlamento Nacional nian no fó hanoin atu Parlamento Nacional hare didi’ak implementação ba política investimento iha Fundo Petrolífero nian, atu nune’e bele cumpri base legal ne’ebe iha. Relaciona ho assunto ne’e, Presidente do Parlamento Nacional informa katak iha ona carta requerimento hossi Bancada oposição iha Parlamento Nacional ne’ebe hussu atu realiza sessão plenária ho Presença Ministério Finanças no Banco Central atu ko’alia kona-ba execução ba investimento refere, atu povo hotu bele esclarecido ba assunto refere.
Presidente do Parlamento Nacional toma consideração ba sugestão Presidente da República kona-ba melhoramento ba Lei Comunicação Social no Lei Indulto ba Prisioneiro sira.
